10萬粉絲撐開Live唱歌 王卓淇玩腳趾吸客

連無綫都因為有歌手確診新冠肺炎而要封城，有米小花王卓淇冇工開留家抗疫有乜好做？平時已經露胸露腰影勻全屋每個角落，悶悶哋開Live唱嚇歌，都竟然有10萬粉絲支持，近日再騷嚇腳板同腳趾，粉絲人數升完又升！

撰文：東方新地

閱讀全文

玩完腳再玩駁髮

露長腿騷腳趾仲玩埋駁金髮，王卓淇日日都要搞新意思冧粉絲。

另一輯相身穿碎花裙跌曬膊，重點都係對白滑長腿。

腳板白雪雪，完全滿足男粉絲嘅慾望，又成為焦點之一。

無綫花旦王卓淇留家抗疫，都不忘曬靚相派福利，日前佢就以一字肩碎花裙上陣，露膊兼大曬白滑長腿，就連腳板同腳趾都玩埋，真係畀個服字佢，另一輯相仲玩埋「變髮」駁上長金色假髮，新造型帶畀網民無限新鮮感。

另一張床照都係騷腳板，睇嚟王卓淇真係對自己身體每個部位都信心十足。

歌癮發作歡迎點歌

王卓淇歌癮發作，閒閒哋都有10萬人次觀看。

雖然喺微博直播唱歌，但王卓淇喺IG同樣做足宣傳。

全程得個胸口睇，罅都冇條，王卓淇咁都吸到10萬粉絲。

其實王卓淇耐唔耐都有喺IG唱歌直播，歌路仲好廣，國語歌、英文歌同廣東歌都會唱。

除咗露上癮鍾意甫相，王卓淇亦鍾意大騷才藝，不時拍片「開金口」獻唱冧粉絲，日前歌癮大發，索性開直播叫粉絲點唱：「很久沒直播唱歌給大家聽了…歌癮發作…歡迎來點歌 一起玩呀～～」喺直播入面佢大唱《野孩子》、《囍帖街》等舊歌，亦有唱較新的《呼吸有害》，唔少網民都話估唔到佢除咗有樣有身材，歌藝都有出色表現，短短嘅100分鐘直播，最終吸納咗10萬人收睇，不過大家都應該好失望，因為佢堅係唱歌，冇騷body囉！

同性感相比較，王卓淇直播唱歌時又真係過份保守嘅！

下載 App